Informes do mercado laboral. Paro rexistrado por idades. (4º trimestre de 2009)

Vimos de rematar un novo informe de mercado laboral relativo ao comportamento do paro rexistrado no territorio do Pacto nos tres últimos meses do pasado ano 2009. Continuando coa liña seguida nas análises realizadas en anteriores trimestres, abordamos a evolución do desemprego no territorio segundo grupos quinquenais de idade. Este informe achégase en primeiro lugar ao comportamento do paro no conxunto do Pacto Territorial de Emprego da Mariña para posteriormente avaliar a situación en relación a cada un dos dezasete concellos que o conforman.

Para a descarga do informe en PDF premede na imaxe de enriba.

Informes do mercado laboral. Contratos (Ano 2009)

Continuando coa tarefa de actualización dos indicadores sociais, económicos e laborais do territorio, presentamos un novo informe anual de mercado laboral, referido nesta ocasión á evolución do marco contractual do Pacto Territorial de Emprego da Mariña durante o pasado ano 2009.

O estudo dos contratos realizouse por trimestres naturais e clasificáronse os contratos atendendo a catro criterios principais: por totais, por sexo, por tipoloxía contractual e por actividade económica (CNAE-2009)

Se queres descargar este informe en formato PDF preme na imaxe.

Informes do mercado laboral. Ofertas de emprego (Ano 2009)

Agora que o ano 2009 pechou o seu curso, procederemos a ir actualizando pouco a pouco (unha vez que dispoñamos dos datos), os diferentes indicadores socioeconómicos e laborais do territorio que comprende o Pacto Territorial de Emprego da Mariña.

Comezamos achegando un primeiro informe anual de mercado laboral que se centra en observar a evolución das ofertas de emprego no territorio durante o pasado 2009 clasificadas en cinco categorías diferentes: por totais, segundo requerimento ou non de sexo, por actividade económica (CNAE-09), segundo nivel académico e por ocupacións máis ofertadas (CNO-94). Ao igual que se fixo en informes anteriores de ofertas de emprego, estúdase a súa evolución por trimestres naturais.

Se desexas descargar este informe en formato PDF preme na imaxe de enriba.

No que queda de mes e durante o próximo Febreiro, tal e como apuntabamos ao comezo, esperamos poder dispor de todos os datos de 2009 para poder seguir actualizando os distintos indicadores do mercado laboral: contratos, paro rexistrado, afiliacións á seguridade social, etc.

Informes do observatorio do paro. Perfil tipo do parado (Decembro 2009)

Rematamos a información sobre paro rexistrado no pasado mes de Decembro cos últimos informes do ano relativos ao perfil tipo do parado no ámbito do Pacto Territorial de Emprego da Mariña, así como tamén en cada un dos concellos que o abranguen.

Se desexas ver os informes a pantalla completa fai click no botón situado na parte de enriba dos mesmos. (Full Screen)

Perfil tipo do parado no Pacto Territorial de Emprego da Mariña (Decembro 2009)

Perfil tipo do parado nos distintos concellos que integran o Pacto Territorial de Emprego da Mariña (Decembro 2009)

Para descargar os informes en PDF, pulsa nos enlaces que mostramos a continuación:

Perfil tipo no Pacto (Decembro de 2009)

Perfil tipo nos concellos do Pacto (Decembro de 2009)

Tamén os podes descargar desde o menú superior, na sección "Observatorio do paro".

Programación E.O.,O.E. no Pacto Territorial (Ano 2010)

Para visualizar este documento en pantalla completa preme o botón situado na parte de enriba do mesmo (Full Screen).

Se queres descargar este documento en formato PDF preme aquí.

Informes do mercado laboral. Centros de traballo (Xaneiro de 2010)

Có obxectivo de actualizar os diferentes indicadores de mercado laboral do territorio, achegamos un novo informe que recolle, nesta ocasión, datos estatísticos sobre a estrutura, características, e localización dos centros de traballo existentes no ámbito do Pacto Territorial de Emprego da Mariña así como a súa evolución no período 2002-2008.

Os centros de traballo clasificáronse en dous grandes grupos. Por unha banda, agrupáronse todos aqueles centros que desenvolven a súa actividade dentro do ámbito da construción, por ser este un sector caracterizado pola existencia de numerosos centros de traballo temporais en función das distintas obras que unha mesma empresa pode realizar ao longo dun ano en diferentes localizacións. Por outra banda, incluíronse nun mesmo grupo tódolos restantes centros de traballo correspondentes ao resto de actividades (agricultura, industria, servizos, etc.)

Premendo na imaxe poderás descargar este informe en formato PDF.

Informes do observatorio do paro. Paro rexistrado (Decembro de 2009)

Rematado o ano 2009, presentamos o último informe mensual do pasado curso realizado polo Observatorio do Paro da Unidade de Promoción e Desenvolvemento do Pacto Territorial de Emprego da Mariña. Como cada mes, o informe achégamos os principais datos de paro rexistrado no territorio do Pacto, na provincia de Lugo e en Galicia, prestando especial atención aos diferentes concellos que integran o noso Pacto territorial.

Para descargar o informe en formato PDF facede click na imaxe da portada. Tamén se pode descargar o informe desde os menús superiores, na sección "Observatorio do paro" (Decembro de 2009).

Unha vez que se atopen dispoñibles os datos, completarase a información sobre o paro rexistrado en Decembro de 2009 cos informes relativos ao perfil tipo do parado no territorio do Pacto, así como tamén nos distintos concellos que forman parte do mesmo.