UPD Pacto Territorial de Emprego da Mariña: martes, 3 de marzo de 2009

Este espazo será o lugar onde o equipo da UPD subministrará información puntual sobre a situación sociolaboral e económica do territorio abranguido por este Pacto Territorial, así como tamén diferentes estudos e análises realizados polo seu equipo técnico. O Pacto Territorial de Emprego da Mariña abrangue o territorio dos seguintes concellos: Alfoz, Barreiros, Burela, Cervo, Foz, Xove, Lourenzá, Mondoñedo, Muras, Ourol, A Pontenova, Ribadeo, Riotorto, Trabada, O Valadouro, O Vicedo e Viveiro. Ademáis dos concellos, forman parte do Pacto Territorial de Emprego da Mariña os sindicatos C.C.O.O. e U.G.T., a Confederación de Empresarios de Galicia, e o departamento da Xunta de Galicia con competencias en materia de emprego.

As Unidades de Promoción e Desenvolvemento (UPD), tal e como sinala a Orde da Consellería de Traballo do 30 de Decembro de 2008 pola que se establecen as bases reguladoras das axudas e subvencións para os programas de escolas obradoiro e casas de oficios, de obradoiros de emprego e de unidades de promoción e desenvolvemento no ámbito da Comunidade Autónoma de Galicia, (D.O.G. nº 9 do mércores 14 de Xaneiro de 2009), defínense como módulos de intervención en ámbitos territoriais de carácter supramunicipal, descubrindo as potencialidades de desenvolvemento e emprego do seu territorio.

Os obxectivos básicos da UPD do Pacto Territorial de Emprego da Mariña son os seguintes:

1. A elaboración do Plan de Emprego do territorio no que se asenta e que, como mínimo, deberá incluír:

- Análise da situación, comprendendo:

a) Composición e características do seu tecido empresarial; determinación da súas necesidades de man de obra; sectores en progresión e sectores maduros.
b) Características sociais, económicas e ocupacionais dos traballadores ocupados e desempregados.
c) Determinación de recursos infrautilizados, posibles áreas emerxentes, posibilidades de desenvolvemento dos novos xacementos de emprego, no terceiro sector, etc. prestando especial atención ás posibilidades tanto de emprendemento como de xurdimento de empresas de economía social.
d) Mapa de recursos actuais en materia de políticas activas de emprego e avaliación da súa eficacia e eficiencia.
e) Avaliación das infraestructuras, comunicacións, mobilidade dos traballadores e oferta de chan industrial.

-A concreción no seu territorio dos obxectivos establecidos no Acordo de Obxectivos e medidas de Emprego.
-Plan de actuacións a levar a cabo no período 2008 – 2009 cara a acadar os obxectivos establecidos.
-Incardinación do Plan de Emprego noutros programas de desenvolvemento socioeconómico
-Proposta de avaliación e seguimento do Plan de Emprego.

2. A análise e avaliación da evolución dos diferentes indicadores de emprego do territorio.

3. O informe das diferentes propostas de actuación relativas a políticas activas de emprego que se desenrolen no seu territorio.

Xunto con estes cometidos, vinculados á consecución dos obxectivos marcados polo Pacto Territorial de Emprego da Mariña, o equipo desta UPD abordou a tarefa de elaborar esta web/blog, ocupándose persoalmente do seu mantemento e actualización de cara a difundir e facer públicos os traballos, informes, estudos, etc. que forman parte do seu proxecto.

[+/-]