Informes do mercado laboral. Paro rexistrado por niveis académicos (1º semestre de 2010)

Concluímos as análises semestrais do desemprego, cun informe de mercado laboral onde se observa a evolución do paro rexistrado segundo o nivel académico das persoas que demandan un traballo. Para elo, distínguense 5 niveis académicos: ata certificado de escolaridade, Ensinanza Obrigatoria, Formación Profesional, BUP/ Bacherelato Superior/COU, Titulación Universitaria. No presente informe, e como é habitual, móstranse datos do conxunto do Pacto Territorial de Emprego da Mariña e de cada un dos concellos que o conforman, en comparanza cos datos da provincia de Lugo e de Galicia.

Para descargar o informe en formato PDF, fai click na imaxe

Informes do mercado laboral. Paro rexistrado por tempo de búsqueda de emprego (1º semestre de 2010)

Vimos de rematar un novo informe de mercado laboral, onde se observa a variación do paro rexistrado no primeiro semestre de 2010 tendo en conta o tempo que unha persoa está na procura de emprego. O informe recolle 3 períodos temporais de búsqueda dun traballo: menos de 6 meses , entre 6 meses e un ano, máis dun ano. Todo elo para o conxunto do Pacto, Lugo, Galicia e, particularmente, nos concellos que abrangue o Pacto Territorial de Emprego da Mariña.

Se queres descargar este informe, preme na imaxe de enriba.

Informes do mercado laboral. Afiliacións á Seguridade Social (1º semestre de 2010)

Presentamos no día de hoxe un novo informe de mercado laboral, que se centra en estudar á evolución das afiliacións á seguridade social durante o primeiro semestre de 2010, a partir dos datos subministrados polo Instituto Galego de Estatística (IGE). Asímesmo, compárase a situación existente a 30 de Xuño de este ano con respecto á mesma data do pasado 2009. Todo elo para o conxunto do Pacto Territorial de Emprego da Mariña, a provincia de Lugo e Galicia, con especial aproximación ao acontecido nos dezasete concellos integrantes deste pacto.

Os datos considerados se corresponden có do número de afiliados segundo conta de cotización do empregador. A evolución da afiliación no período sinalado estúdase empregando dous criterios: segundo o tipo de réxime de afiliación, segundo a actividade económica na que se concentra (CNAE-2009).

Para a descarga do informe en PDF fai click na imaxe.

Informes do observatorio do paro. Perfil tipo do parado (Agosto 2010)

Rematamos a análise mensual do paro rexistrado en Agosto de 2010 cos informes relativos aos perfís tipo do desempregado no ámbito do Pacto Territorial de Emprego da Mariña e nos concellos que o conforman.

Para visualizar a pantalla compreta fai click na parte de enriba dos documentos. (Full Screen)

Perfil tipo do parado no Pacto Territorial de Emprego da Mariña (Agosto de 2010)

Perfil tipo do parado nos distintos concellos que integran o Pacto Territorial de Emprego da Mariña (Agosto de 2010)

Premendo nos seguintes enlaces poderás descargar os informes en PDF:

Perfil tipo no Pacto (Agosto de 2010)
Perfil tipo nos concellos do Pacto (Agosto de 2010)

Estes documentos pódense descargar tamén dende o menú superior, sección "Observatorio do paro".

Informes do observatorio do paro. Paro rexistrado (Agosto de 2010)

Xa está dispoñible para a súa consulta e descarga o informe de paro rexistrado do mes de Agosto de 2010, realizado polo observatorio da UPD do Pacto Territorial de Emprego da Mariña. a partir dos datos que subministra a Consellería de Traballo e Benestar da Xunta de Galicia . O informe recolle os datos do desemprego que se rexistrou durante o pasado mes no ámbito de influenza do Pacto e dos concellos que o integran, na provincia de Lugo e en Galicia.

Premendo na imaxen de enriba, pódese descargar o informe en PDF. Tamén está dispoñible nos menús superiores, na sección "Observatorio do paro" (Agosto de 2010).

Próximamente actualizaremos á información relativa aos perfís tipo do desempregado no pasado mes de Agosto, tanto no ámbito do pacto como no dos concellos que o conforman.